Árin 40

Manni ber að gleðjast yfir heilsu og hamingju hvers árs og ég hef engan skilning á því þegar fólk er að pirrast yfir að vera orðið fertugt.  Sem betur fer verður lífið betra með hverju árinu eða að minnsta kosti er hvert skeið skemmtilegt á sinn hátt.

Já og útlitið,  hver getur staðist þennan ómótstæðilega kropp og hrukkulausa andlit?  Endalausar breiður af fegurð og og hárið svo heilbrigt.  Tennurnar aldrei hvítari.

Ég óska hér með eftir tillögum að skemmtunum og þigg öll góð ráð á þessu fertugsári, ég hyggst fagna í hverjum mánuði og svona aðeins á hverjum degi.

Lifi æskan (og ungmennafélagið Snörtur sem bjó til andann og hógværðina í mig).

Athugasemdir

[Ásthildur Cesil Þórðardóttir, 24.1.2013 kl. 12:03]

40 ára er flott þroskuð kona.  Ég lít á öll slík met sem minn besta tíma, það er bara þannig, næst verð ég sjötug, eftir tæp tvö ár, og þá verður það uppáhaldsáratugurinn minn. 

[Nanna Gunnarsdóttir (IP-tala skráð) 26.1.2013 kl. 11:07]

Njóttu þess að viðra gleðigallann ekki sjaldnar en mánaðarlega þetta árið. Þegar ég varð fertug eyddi ég á afmælisdaginn minn 40 þúsundum í mig eina. Ég man ekki einu sinni lengur hvað ég keypti en það voru alls konar hlutir sem mig BARA LANGAÐI Í! og keypti mér. Skart, snyrtivörur og eitthvað fleira smálegt. Það var afar gaman.

Þegar ég varð fimmtug fagnaði ég því hverja einustu helgi frá febrúar-febrúar, heilt ár. Ég hef nefnilega aldrei haldið upp á afmælið mitt svo það var kominn tími á það. Gleðigallinn var viðraður hverja helgi, með einum eða öðrum hætti og ég varð frábærlega og fallega fimmtug...

[Hulda Þórey Garðarsdóttir, 27.1.2013 kl. 00:22]

Takk fyrir þetta konur, ég er hjartanlega sammála, gott að heyra að fleiri hugsa eins.  KK úr austrinu.

[Ásthildur Cesil Þórðardóttir, 27.1.2013 kl. 20:17]