Framsóknaróræði

GOtt var nú að fá innslagið frá þér Hrafnhildur mín, Bjarki kunni ekki við að skella þessu inn því hann er svo kurteis við stóru systur,  því já, þetta er algjörlega rétt hjá ykkur, auðvitað eiga aðrar "kynslóðir" heilmikið í því hvernig komið er.  Ég varð bara að skella inn einhverju sem myndi vekja viðbrögð.  Ég er bara eins og ættar til hjá mér, á framsóknarmiðjunni og vildi gjarna vekja máls á þessum hluta málsins. 

En það er alveg rétt, því miður er þjóðin okkar full af eiginhagsmunaseggjum og við þörfnumst þess heitt og innilega að fá utanaðkomandi aðstoð frá einhverjum sem eiga ekki hagsmuna að gæta og kunna sitt fag - einhverjum sem ekki reynir að taka fría sjálfan sig undan ábyrgð á því sem búið er að gerast, er ekki að eltast við hina sem eru í pólítísku stríði og er ekki að reyna að moka undir sig í því ástandi sem nú ríkir í landinu.  

Það eru afar fáir sem búa í þessu annars frábæra landi, sem geta stjórnað því án eiginhagsmunaárekstra.  Nefnið einn?

 

Ég er samt enn þeirrar skoðunar að það er voðalegt væl í fólki sem hefur það ekkert bágt.  Mig langar alveg að hjálpa hinum, sem raunverulega þurfa á því að halda.  Þeir týnast bara í margmenninu því miður. 

 

 

Athugasemdir

[Ásthildur Cesil Þórðardóttir, 22.11.2012 kl. 13:33]

Það er nú snúið Hulda mín, að finna þá sem þurfa aðstoð, og reyna að sigta þá út sem geta plummað sig hjálparlaust.  Besta leiðin til þess er að setja skýrar reglur einfaldar, en sem virka.  Þetta lagabánk sem við burðumst með er svo loðið og margrætt að það er orðin einn frumskógur.  Ætli þurfi ekki að fara ofan í saumana á slíkum lagasetningum og laga það sem betur má fara.